القاهره , أحمد فتحى رزق

فى تعليقه على أحد المنشورات عبر صفحته على الفيس بوك وهجوم بعضهم  لعدم وجود رصيد أعمال كثيره  , أفرد قائلا ( النجاح فى الحاره أفضل من النجاح فى الميدان )

هل كان يقصد تواجده بين جمهوره فى كل الأماكن , المقهى بالحسين وكافيهات الوسط الفنى مما ساعده على توضيح موقفه مما كتب عن مسلسله الأخير الذى يعرض فى رمضان .

ويترك الفنان احمد فرحان  نصيحه للوجوه الجديده ويصف المتاعب التى تعرض لها ويقول .

لو انت ممثل و محتاج فرصة

لازم الاول تفكر بعقل شوية

و تسأل نفسك السؤال ده

انا جان و لا كراكتر

لو مش جان او مش عندك قبول او كاريزما

لازم تستخدم عقلك

و تعمل من نفسك كراكتر

محمد سعد بيمثل من زمااااان

لكن محدش حس بيه غير لما عمل كراكتر

طيب لو انت موهوب .. تعمل ايه

عندك مليون طريقة توصل بيها

بس الاول لازم يكون عندك

ذكاء فى شوية حاجات .

العلاقات مهمة جدا

لازم تكون ذكى فى انك تعمل علاقات

ثقف نفسك .. اقرا .. اسمع .. تابع .. اتفرج

اوعى تيأس

مش مجرد انك اترفضت فى كاستنج

تقول ماليش حظ او مخرج فاشل

او او او …… اتحداهم

اقسم بالله انا اتفتحلى باب شركة

و اتقالى بالحرف الواحد برااااا

و كان ردى على اللى عمل كدة

قولتله .. انا هامشى بس سنة واحدة

و هكون بطل و هعمل فيلمى

و فعلا اتحديت الظروف

لانى وقفت قدام المرايا و كلمت نفسى

هاتبقى فاشل يا احمد لو معملتش حاجة

قربت من ربنا و قولت يارب

و اقسم بالله .. لاقيت تساهيل ربنا

بتحقق فى فيلمى

تفاصيل الفيلم .. هحكيها بعد المونتاج

المهم … انت كمان اتحدى نفسك

خلى عندك كرامة

اللى مايردش على تليفونك

اعتبره غير موجود بالخدمة

عندك طرق كتير للوصول

ادخل ورشة اتعلم نمى موهبتك

اعمل فيلم قصير و اعرضه عالمخرجين

اعمل لنفسك كراكتر

اسعى .. اتعب .. اتعب كمان .. كمان

هااا .. عملت كل دول

اؤكدلك ان ربنا مش هايضيع تعبك

بس فى الاول و الاخر

اوعى شهرة الوسط و مغرياته

تبعدك عن ربنا و تنسيك الاخرة

التعليقات

التعليقات