كتبت : سماء كمال
زعلان ومتكدر ليه ياحزين
باين ف ملامحك غل وضيقة السنين
جرب تفرح من قلبك وانسى الأنا وكلام تهييس
ربنا خلق لكل واحد منا بصمه وعلامة تمييز
دوّر جوا ذاتك حتلاقي إبداع الخالق من غير تدليس
لكن طول ما أنت مشغول باللي حواليك وناسي نفسك
لا حتعرف توصل للي وصلوله وإن وصلت مش حتلاقى ذاتك فيه
حبّ وقدّر وعبّر بصدق عن كل إبداع أدام عنيك
مش لازم يكون ليك فيه بصمة عشان تمدح فيه
مش لازم يكون اسمك مكتوب عشان تنط الفرحة من عنيك
مش لازم الناس يشاوروا عليك عشان تفرح ياحزين
اشف نفسك من الغل اللي بياكل فيك وافرح للخير
وفكك من دور المظلوم والغلبان وفاعل الخير
انكتب ف العيون كل اللي مداريه
ورسمت بملامحك اكتر من اللي مخبيه
وخد بالك الانسان مواقف وف لحظة بينكشف المستور والكل حيسأل مالك يا مهموم
زعلان ومتكدر كده ليه سرحان وبتفكر ف ايه
عيش بالحب بالإخلاص بالبساطه وساعد من غير ماتنتظر التقدير
اخلص النيه وربك حيوصلك للتوفيق
حرر نفسك من غل نفسك توصل وتلاقى التمييز
وركز المرة الجايه وابقى افرح لفرحه غيرك ياحزين
