غٌلبنا عتاب وملام

المنحوس منحوس

ولو علقوا علي راسه  فانوس

او حتي فلوس

 ماهو اصله منحوس .

كلام وحواديت وفك وربط المناحيس.

الحياة مش محتاجة لف ودوران واللعب على الحبال علشان تتعاش .

عيشها ببساطة مهما كانت الظروف.

لانها حلوة أومرة بتتعاش.

يبقي عشها بمزاج وراحة بال.

 دوام الحال من المحال.

النهاردة شكل وبكره شكل تانى

وأوقات كتير بيكون التغير بعد ثواني.

والايام اللي راحت مش بترجع تاني.

الايام حلق وموصوله ببعض

يا تشد عودك واِتعدل او مال وانفرط .

سامحوا وعيشوا. افرحوا واتهنوا. 

قبل ما يفوت الأوان ويبقي الندم هو الرفيق

اللي كل ما تحاول تهرب منه تلاقيه.

وياااه من وجع الضمير بيقطع في الوريد.

وساعتها هانقول ازي الحال !.

حياة ومتعاشة ووشوش ومتشافه.

ومسافات وطرق بتبعد بين الاحباب.

قولي بقي ازاي الحال.

هاتعرف تعيش منبوذ من نفسك وهربان من حالك

. ياسيدي هاتفضل كده كتير.

طب ما تيجي تتصالح مع الدنيا. وجرب

اضحكلها واضحك عليها.

جرب اكيد هاتتكسف وتوريك احلي ما فيها.

اصل الوش المقلوب بيجيب النحس لكن الوش الصبوح بيجلب السعادة والفرح.

فك نحسك بأيدك. وماتنتظرش ضربة حظ او كنز علي بابا.

التعليقات

التعليقات