أخبار عاجلةأخبار مصرأهم الاخبارالأدب و الأدباءالثقافة

شاب مصري يكتب خواطر عن الغربه تهز وجدان كل مغترب ومهاجر خارج الوطن

صلاح صابر . أبو ريفان

ملعونه يا غربه من كل شئ حرمانا
ملعونه ياغربه من شبابنا سرقانا
ملعونه ياغربه فيكي الضحكه مفرقانا
ملعونه ياغربه المتزوج فيكي عازب
ملعونه ياغربه الفرحان فيكي باكي
ملعونه ياغربه حياتنا فيكي تليفون .
حبنا تليفون . كرهنا تليفون . فرحتنا
تليفون حزننا تليفون . وبعد دا كله
يتقال على اللي فيكي عامل فلوس بالكوم
حتى فلوسك زي حطب النار . تجمع في سنين
تتحرق في يوم
ملعونه ياغربه زيك زي الموت
من لمة الاهل محرومين . ولأصدقاء الصبا مفارقين
ملعونه ياغربه لو اتكسينا منك دهب
ملعونه ياغربه فيكي البصير اعمى
ملعونه ياغربه فيكي الشباب والشيب متساوي
ملعونه ياغربه فيكي العمر عداد .
عداد بيعد امتى يهرب منك .
وعداد يعد خوف رجوعه ليكي
ملعونه ياغربه فيكي العزيز بغربته زليل
ملعونه ياغربه لو قلنا الآآآآه ما حد سامعنا
ملعونه ياغربه لومتنا فيكي فلوسك ما هتنفعنا
ملعونه ياغربه اكيد سؤالك لينا . ايه اللي حبسك فينا
ارد عليكي واقول . قعدنا فيكي قلة حيله
سميها خيابه وقلة عقل وف دي يكون عندك حق
لان كلنا عارفين انك ملعونه ياغربه
مكسبنا فيكي قليل مهما يكن كبير
وخسارتنا فيكي كتير وكتير وكتير
ملعونه ياغربه . مكسبنا فيكي لقمة عيش
والله احنا فيكي اشك اننا عايشين
ملعونه ياغربه . لو اتكلمت عن قسوتك كلامي ما يكفي . كفايه اني في ميتي ماباخد عزاه
ولو اتكلمت عن فرحتك بلقاها في التليفون .
ملعونه ياغربه .
اللهم اخرجنا منها سالمين غانمين وردنا الى اهلنا غير مفقودين ولا فاقدين .

مقالات ذات صلة

إغلاق
%d مدونون معجبون بهذه: