اسليدرالأدب و الأدباء

اسلام الهاشمي الحامدي / قصص اطفال / سرب الاسماك .

اسلام الهاشمي الحامدي .

كان يا مكان يا سادة يا كرام , كان فية زمان , سرب سمك جنان تحت الميه ماشي بنظام ومش سرحان .

وكان في السرب سر قوتة , فالاتحاد قوة و حمايه و كمان امان , وكان بيسافر من مكان لمكان حتي لو اختلف الزمان و فصوله السنه كمان من ميه برده لميه دافيه .

وكان فيه زوجان من الاسماك ومعاهم اخر بنت ليهم بعد ما سمك القرش اكل كل الاسماك الصغيرة عشان كانو مفكرين انهم كبرو خلاص ويقدرو يعيشو لوحدهم و يكسرو القوانين قوانين الحياه .

قال بابا و ماما لاخر سمكه موجوده : خليك ماشيه في ضلنا لا تروح بعيد و لا تبعدي عننا عشان احنا اكتر حد بيحبك و بيخاف عليكي و انتي ابنتنا وواحده مننا .

قالت السمكه الصغيرة لنفسها : اية ده هو انا لسه صغيرة انا كبرت خلاص و اقدر اعتمد علي نفسي ياناس .

هربت من سرب الاسماك و دخلت من كهف لكهف جوه الميه , لحد ما تاهت عن السرب , حست السمكة برعشه والميه بقت بارده من غير الاهل و من غير الصحاب , وكان هناك مجموعه من الاسماك , لمحو السمكة و راحو نحيتها و اتخنقو عليها كمان .

لمحت السمكه القروش وهي جايه عليها , بصت حوليها تدور علي اهلها و صحبها , حست بالغربه , وسط الاهل دفا والبعد عنهم هلاك , الكل يبص ليك علي انك فريسه سهله .

غمضت السمكه عنيها و عرفت خلاص انها انتهي , وفجأه سرب الاسماك لف حوليها فتحت عنيها لقت اهلها و صحبها , فرحت بلمتهم حوليها , وهرب السرب سرب الاسماك بالسمكه .

صحيح ان الكتره تغلب العدد , و قربك من اهلك وصحابك وقت المحن بيثبت لنفسك قبل عدوك انك مش فريسه سهله .

وتوتة توتة خلصت الحدوتة حلوه ولا ملتوتة .

Facebook Comments

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: