اسليدرالأدب و الأدباء

كنت وكان

بقلم : نادية لطفي

كنت وكان
كنت بحصن كل حواسى
ضد طوفان الحب الجارف
كنت بطمن قلبى الخايف
كنت بحرم أكل التوت
الشهد ف طعمه
رغم الجوع القارص فيا
كنت بدارى الشوق الناطق
جوا عنيه
بكل حروف العشق الدايبه
فى بير حرمان بيغرق فيا
كنت ببخر حبى يا عمرى
بالتعويذه ان وصلت منك
خايفه عليه من مس الجان
اللى بيقلقنى
كنت بدور فيك عن وطنى
بعد ما طال بيا الترحال القاسي عليا
جوا بحور منسوجه خيال فى عيون منسيه
فيها الموج عدى الشطآن
وندهنى اجيلك
لجل اتوضى فى مية نيلك
شوفت فى عينك
مجاديف صبر
وشراع تبر
اقدر اعوم وياك بامان
كنت بنشف
عودى ف ارضك
رغم الطهر الساكن ريقك
ايوه يخضر ميت فدان
كنت بقوى وريدى بدمك
عارفه بانك
شمس بتغزل
جوا الليل الراكد فيا
شعاع بحنان وامان وامانى
كنت ولسه وهفضل
طول العمر احبك تانى وتانى
من غير كنت وكنت وكانى
من غير كنت وكنت وكان

Facebook Comments

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: