اسليدرالصحة العامةالمرأةمنوعات ومجتمع

قواعد الدايت الاربعين عشان تخس

د.محمد أمين جاد

١-الدايت مش حرمان

٢-اشرب مايه كتير وامشي كتير

٣-كلو فاكهه وخضار كتير..

٤-الموز مسموح بيه والبطيخ والمانجه والعنب وكل الفواكه متاحه بس فى حدود السعرات المطلوبه منك تاكلها فى اليوم

٥-اشربوا مايه كتير

٦-الزبادى بالليمون بيعمل ع تعليه الحرق

٧- القرفه بتزود الحرق بس لو مبطلتش اكل مش حتخس

٨-لو شربت من هنا للسنه الجايه شاى اخضر مش حتخس غير نص كيلو دهون فقط لا غير (دراسه)

٩-اشربوا الشاي الأخضر بعد الإفطار والعشاء وخصوصا لو جسمك بيخزن سوائل

١٠-الكولا الدايت حتخزن مايه فى جسمك غير انها مش صحية يعنى متنفعش مع الرجيم متضحكش على نفسك

١١-لما تطلب اكل من برده لازم السعرات تكون قليله

١٢ -اشربوا من ٢-٣ لتر مايه يوميا ونحاول نمشي كتير

١٣-الجبنه القريش حلوه والله جرب بس تحبشها بشويه كمون او زعتر وطماطم وزيت زتون … هايله

١٤-الرقم اللى على الميزان مش ده الهدف بطل تقيس وزنك كل شويه ارمى الميزان احسن

١٥-ايوه وجبه الفطار مهمه جدا عشان الحرق فى جسمى يشتغل حتى ولو كوبايه لبن او تمره

١٦-اللى بياكل وجبه واحده فى اليوم بيتخن مش بيخس (الناس اللى بتقول انا مبكلش كتير)

١٧-اشربوا مايه بليمون على الريق

١٨-اهم حاجه الصبر وانت بتغير نظام حياتك للافضل ايوه التغيير بيحتاج وقت ده سر الناس اللى بتخس وبتوصل لنتيجه

١٩-البطيخ ممنوع فى الدايت ؟؟!!! مين اللى قال الكلام الجميل ده … لا طبعا كل حاجه متاحه حتى البطيخ ..راجع رقم ٤

٢٠-اسمها وجبه فرى مش يوم فرى ..اليوم الفرى انت كده بوظت مجهود اسبوع كامل

٢١- الوجبه الفرى تاكل اللى انت عايزه وبتحبه بس تحترم حجم المعده

٢٢- ناكل الفواكه والخضروات اللي فيها فيتامين سي بكميه كبيره زي الليمون والبرتقال والطماطم

٢٣-الامساك بيقلل الحرق لازم تروح لطبيب ينظملك حركه جهازك الهضمى ويعالج الامساك

٢٤-الجوع بيقلل الحرق على فكره يعنى مش شطاره انك مجوع نفسك

٢٥-اشرب عصاير فريش كل العصاير المعلبه مليانه مواد حافظه حتحبس مايه فى جسمك وفيها سكر برضه حتى لو مكتوب خالى من السكر

٢٦-الاكل المتوازن اللى فيه كل العناصر الغذائيه هو ده اللى حيخسسك من غير ما صحتك العامه تتاثر.. اى اسم نظام غذائى تانى حيهدملك الكتله العضليه او حيتسسب فى نقص فيتامين

٢٧-متنسوش تشربوا مايه كتير ونمشي كتيييييير

٢٨-الرياضه حلوه

٢٩-مهما خسيتى على الميزان ووزنك نزل برضه بطنك حتفضل موجوده وطالعه عشان ممرنتيش عضلات البطن

٣٠-المشى سحر وبيزود الحرق وبيحرك عضلات الجسم وبيحافظ على كتله العضلات وبيحرق الدهون خصوصا دهون البطن

٣١-لازم تشوف مخزون الحديد فى جسمك اخباره ايه لان لو فى نقص فى الحديد مش حيكون عندك نفس تمشى خطوتين على بعض وكمان حيقلل الحرق

٣٢- مخزون الحديد فى الجسم مش الهيموجلوبين عشان ميحصلش لبس التحليل اسمه serum ferritin ولازم يكون اكتر من ١٥

٣٣-اشربوا قرفة وزنجبيل بتساعد على الحرق

٣٤-تانى …كل الاكل اللى فى الدنيا متاح فى الدايت

٣٥-اتعلموا تحسبوا السعرات اللى بتأكلوها على مدار اليوم فطار غدا عشا سناكس

٣٦-للسيدات الاكل ما يقلش عن ١٠٠٠ سعر والرجال ميقلش عن ١٤٠٠ سعر عشان العضلات متتهدمش ( من الاخر متجيش على نفسك وتقلل سعراتك مش شطاره لانك حتتهدم)

٣٧-ممكن تأكل وتنام عادى طالما انت ملتزم بكميه السعرات المسموحه (بس لا ينصح للناس اللى عندها عسر هضم)

٣٨-لو مش بتحب اكله معينه ممكن تعملها بكذا طريقه مثلا الزبادى ممكن تعمله بالفواكه فى الخلاط او سلطه بالخيار او حتى مع الجيلى

٣٩-لازم تغير من وعيك ونظرتك للاكل لان من هنا كل حاجه هتتغير ودى البدايه … وحط دافع قوى يفكرك دايما انك لازم تخس عشانه (مهم اوى)

٤٠-زى ما احنا بنتعلم طول الوقت نتكلم ازاى نلبس ازاى نتعامل ازاى بشياكه لازم نتعلم ازاى نبقى شيك حتى فى اكل

Facebook Comments

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
%d مدونون معجبون بهذه: